諗住 11 月去首爾嘅朋友留意！韓亞航空（Asiana Airlines）香港出發往首爾（仁川）航線現正做信用卡折扣優惠，OZ746 最多 9 折、OZ722 最多 95 折，Amex 優惠碼 26AMEXHK3 嘅訂飛期去到2026年11月18日（星期三），出發期去到 11月30日（星期一），想慳機票錢就要快手格價。

東京冬天最值得專程去一晚嘅燈飾返嚟喇！東京 Mega Illumi 將會喺2026年10月31日（星期六）至2027年1月10日（星期日），喺品川大井競馬場舉行第 9 季，更加係場地改建前嘅最後一季。100 米江戶櫻花燈隧道、巨型 Mega Tree、仲有迷你馬同噴泉表演，入場費由 ¥800（約 HK$42）起，今個冬天去東京千祈唔好錯過。

去韓國購物嘅朋友注意！南韓政府第二屆全國大減價 Korea Grand Festival 將會喺2026年10月29日（星期四）至11月15日（星期日）舉行，成個國家4萬幾間商戶一齊減價，仲有外國遊客專屬優惠：四大古宮免費入場、免稅店最高75折，10月底去首爾就啱晒時間。

佐賀熱氣球節啱啱完，佐賀仲有另一場400年歷史嘅大祭等緊你！唐津曳山祭將會喺2026年11月2日至4日舉行，14台高達近7米、重幾噸嘅巨型曳山會喺唐津街頭巡遊，11月3日仲會拖落沙灘，係九州秋天最震撼嘅祭典場面之一。

越南中部又多一條直航選擇！泰國航空宣佈，曼谷－峴港航線將於 2026 年 12 月 1 日起開航，每週 14 班、即每日兩班。由曼谷轉機去峴港玩巴拿山黃金橋、會安古城，以後唔使再兜大圈。

等足 7 年，沖繩首里城正殿終於返嚟喇！2019 年 10 月 31 日大火燒毀之後重建嘅正殿，將會喺 2026 年 11 月 23 日（星期一假期）中午起正式開放參觀。想做第一批入去嘅人，記住正殿要預約 30 分鐘時段，唔係去到排隊就入得。