三年無飛過，大部份香港人既鄉下(🇯🇵日本)係10月中就會開返免簽自由行，最重要係返香港唔使去酒店隔離添，唔知大家入左紙拎假、搶左機票同唱左円未呢？
最近日圓低水，如果大家重未唱定錢準備返鄉下血拚，就快D睇下以下介紹喇
日圓匯價：大約 0.0543
(2022年9月28日)
我地整理左D資料比大家參考下
現鈔 🆚 電匯
現鈔 — 顧名思義就係即時換現鈔係手啦，平時大家去找換店度唱錢就係現鈔價，但價錢就會比電匯價貴小小，但勝在方便，唔使開戶口，只需要打電話或者網上預訂就可以即日或者第二日去門市拎現鈔
電匯 — 就係銀行用電匯方式幫你買入貨幣，好處就係匯率會平過現鈔價，但就只係銀行先有電匯服務，而且唱完既錢係入落你既外幣戶口，而唔係比現鈔你，你要拎現鈔出黎既話要再預訂，部份銀行重會有提取現鈔既限額或者手續費添！
匯率每分每秒都變緊，大家可以去 TTRate 日圓匯率 查左匯率先至去唱錢
留意返而家用 Visa 係日本直接碌卡個價都幾靚仔下，配合埋免外幣簽賬手續費同埋有回贈既信用卡 (例如渣打既Smart) 分分鐘重抵過唱錢添！
最後唔理去邊度唱yen都好，日圓55算其實真係好抵好抵好抵！